الموسوعة الثانيه من النكت

واحد دزته أمه على أوتي من جيرانهم..نزل اول درجه گال:هسه راح تگللي دير بالك عليه..ثاني درجه گال: بعدين حتگللي رجعه بسرعه... الثالثه گال: وراهه راح تگللي مو تنسوه معلوگ... وصل دگ الباب، فتحتهه..؟ گلهه: شوفي.. خرة بيچ وبالأوتي مالتچ

دليمي گل لصاحبه: سمعت بهذا اللي وگع من عمارة عاليه و3 أيام يالله وصل للگاع؟ گلله: ومات؟؟ گلله: شوف هذا الغبي يگللي مات..أگلله3 أيام لا أكل ولا شرب عجل شلون مايموت؟

مصري اشتغل حمله دار .. گال للحجاج: إزا شديتوا حيلكو معايه نرگع أبل العيد بإزن الله

دليمي مخيم بالصحراء، دخل عليه واحد گلله: آني تعبان من الشمس.. گلله: تشرفنا ، وأني حمادي من الأرض

شاب دليمي، كامش بيده سيم وواگف براس الدربونه.. گالوله: ليش؟؟ گال حتى البنات تگول عني: شوفوا هذا ... شاب وسيم

دليمي رايح للحج وماخذ وياه دودة گال: سمعت إنه الحج أيام معدودة

دليمي نغمة موبايلة صوت فناجين، يگول موبيدي .. من زود المرجلة

كردي سألوه شنو رأيك بالزواج المبكر ؟ گال:والله كلما من غبشه أحسن

دليمي گال لمرته: اليوم أريد منّچ رومانسيات، خابرت لأمه سألتهه: شنو رومانسيات؟؟ گلتلهه: والله يمه ما أعرف، بس للإحتياط نگعي الباكلله وإسلگي اللحم

عجمي عطس يم مصري ، ترس وجهه تفال، المصري گاله : أنته أرفتني، الكردي رد: والله ..يمكن أأرفك بس ناسيك؟

كردي مات أبوه گال للدفان: بيش أرخص گبر؟؟ گلله: بالميت تسعين ألف.. گلله : زين وإذا الميت من عدنه؟

واحد قشمروه القفاصه بباب الشرجي باعوله نظاره عاديه گللوله هذي تخترق الملابس.. لبسهه بالبيت شاف مرته مصلخه نزعهه نفس الشي لبسهه نزعهه ماكو فرق گال : صيني خرة .. يشكل

كردي ديزين لحيته دگ التلفون .. كام شخط خده بالموس... گال ليهنا واصل

فديوم تسعة اغبياء ديشاقون بالمسدسات ماتو خمسة من عدهم فكالو كافي شقة راح اصير صدك

محشش ديسولف لصاحبته: مرة صعدت نخلة مال تمر وكطعت عنب بس شلون تفاح ماكو هيجي رمان كل ركية طولها متر تستاهل حلكج

اكو وحدة سلمت على واحد شايب كالتلة شلونك حجي كله اني مرايح عالحج اني رايح عالعمرة كولي شلونك عمري

اكو كردي طلع يمشي تك رجل كالولة ليش كلهم اليوم فردي

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
واحد يلعب برمانه يدويه.. گالوله :ماتخاف تنفجر؟ قال: عدنا هوايه بالبيت.

واحد خابرته صاحبته گالتله: تعال اليوم البيت فارغ.. ماكو أحد ببيتنا..طار
من الفرح..راح لبيتها ركض..بالباب وگف گال :لعد أني شكو جاي إذا البيت فارغ
وماكو أحد؟

واحد سألوه شتسوي اذا ردت تصيد أرنب ؟ گال: أقلد صوت جزر.

واحد راد يبدل الگلوب ركب على چتف مرته وگاللها يلله افتري.

واحد طلّع الصوبه ليبرّه البيت.. گالوله ليش؟؟ قال :مو برّه أبرد من جوّه.

واحد يسبح بالشط ويندعي: يا إلاهي لاتموتني لخاطر المره والجهال..صديقه
سمعه گال له: لك يامره ياجهال؟ إنته يمته متزوّج.. غمزله وعض له شفـّه.

واحد سكن جديد گال له جاره: عود فنجان الگهوه مالتك يمي گال : أي والله
يمكن واحد من الجهال شمره عليكم.

واحد گال للدكتور :دكتور كلما أشرب چاي عيني توجعني..گال له الدكتور :طيب
كلما تريد تشرب الچاي وخّر الخاشوگه.

واحد شاف گشر موز بالشارع گال:أوهوووو..شلون شغله ؟ هم راح نزلگ!!

واحد سأل أبو المحل:عندك تلفزيونات ملونه؟ گال له نعم.. گال فد واحد أزرگ
للجهال الله يخليك.

واحد عنده أرق ميگدر ينام گالوله عِد للميه تنام .. وصل للخمسين نعّس..
گال: اگوم اغسل وجهي وأكمّل للميّه.

واحد كمشله مصري يريد يبسطه.. گال المصري(سبني ياوله) گال له والله لانعل
أبوك لابو الخلـّفك).

واحد گال له أبوه روح إغسل وجهك راح يجونه خطار..گال وبلكي ما إجوا؟

واحد حب يتغزل بمرته بالفراش گال لها:شايفه هذاك الگمر؟؟ گالت:إي.. گال
:ريحة أباطاتچ واصله يمّه.

واحد لاخ هم گال لمرته شايفه الگمر ذاك؟ گالت نعم.. گال إببوكس واحد أوصلچ
يَمّه.

واحد أتصل بالأطفاء گاللهم:شنو إذا ماكو حريق منشوفكم يعني؟؟

طالب سأله المعلم:من هو النبي الذي كان يكلم الحيوانات؟؟ گال: سيدنا طرزان
عليه السلام.

گالولها: الموضه هالسنه جلد طبيعي..طلعت للسوق مصلخه.

واحد راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم
محدد؟؟

واحد سألوه: ششفت ببغداد؟ گال السفن أب.. گالوا شنو يعني ؟ گال بطل تفتحه
لو تلحگ تشرب منّه لو لا.

واحد شاف المصلحه أم طابقين ببغداد واگفه..داخ.. گال ياساتر اشلون حادث
رهيب..شصعّدهه وحده عاللُخ ؟

واحد شاف نافورات هواي ببغداد گال : حيل..!! شكثر بيهه بوريات طاگه.

واحد شاف ببغداد قطعه مكتوب عليهه(دورة مياه) سأل اللي بالباب: گلي بروح
أبوك شلون التسجيل بيه؟

واحد سوّه معمل خل طلع كسر لإن طلعت إشاعه عليه أن الخل مالته عتيگ.

واحد تعين بالأمن السري مال الكعبه شاف واحد يطوف گاله : شعندك ولك تفتر
هنا؟

واحد عرس سكتاوي حط كاسيت فارغ بالمسجل.

واحد من المدعوين عجبه الشريط طلب منه نسخه مسجله.

جيرانهم دگ الباب حيل منزعج گاللهم :يأ أخوان نريد اننام متنصون صوت المسجل
شويه.

واحد أشتره علچ أبو السهم ..صار الليل وهوه يعلچ.. گالوله نام.. گال:
بالحرام.. ما أنام إلا أخلصه.

واحد طگّت أموره بالتجاره جاب خدامه.. ثاني يوم تعاركت مرته ويه الخدامه..
گام عزل كل وحده ببيت.

واحد واهسه بالتجاره سمع صديقه يگول: الخميس يوافق 15 ..گال واذا ضغطنه
عليه شويه ميسويهه أقل؟

واحد يطوف بالكعبه سمع الاذان سأل اللي يمّه گاله: بروح أبوك ماكو جامع
قريب هنا؟

واحد گال لجماعته: والله خدمات الحج بالسعوديه حيل محترمه وأنصحكم من
تريدون تحجّون لا تروحون غير للسعوديه.

ثنين يتناقشون الاول گال انا من اشرب الگهوه ما اگدر انام الثاني گال انا
بالعكس من انام ما اگدر اشرب الگهوه.

واحد اشتره لابنه حاسبه شال الصفر منهه گال حتى لتسجل عليّه مكالمات دوليه.

فيترجي اشتره چربايه ...نام جواهه وصاح على مرته: ناوشيني سبانه تلثطعش.

واحد گال لابوه: بابا خل نروح لحديقة الحيوانات ابوه گال له: لاتستعجل ابني
فد جم يوم همه يجون ياخذونه.

واحد اشتره تكسي.. بالشارع يصيحون عليه تكسي تكسي.. گاللهم عمي ادري والله
ادري.

فد واحد متعاجز تزوج وحده حامل گال والله لأن مالي خلگ لليلة الدخله.

وحده قرت بجواز رجلهه مكتوب( رجل اعمال) گالت سواهه الكلب واتزوج عليه.

واحد گال لجهاله اللي ينجح هالسنه اراويه سيارة الموطا.

واحد گالوله: اذا بردت شتسوي؟ گال: ادني الصوبه يمي.. گالوا: واذا بردت
حيل؟ گال : ادنيهه يمي حيل.. گالوا: واذا بردت حيل حيل حيل؟ گال اضطر
اشعلهه.

واحد بلع ربع حباية فياجرا گال :الليله بس بوس.

واحد دز ابنه على تلث گرص خبز من رجع الابن گاله ابوه : بابا رجّع وحده امك
ماتت.

واحد أحترگ بيته دگ عالأطفاء مره وحده وسد التلفون.

تلث ولد بخلاء نايمين بالغرفه ومشغلين البنكه على رقم خمسه..دخل أبوهم
بالعصا يصيح:ياكلاب.. تلاثه ومشغلين البنكه عالخمسه؟

من المعتقدات انه لازم واحد يسمّي قبل الأكل(يقول بسم الله)وإلا أكل ويّاه
الشيطان.بخيل ما ياكل غير البرغل أربع سنين..أخر شي طلعله الشيطان گال
له:أخي العزير..مو روحي طلعت من هالأكله..لو تغيرها.. لو تسمّي قبل الأكل.

واحد گال لأبنه إذا تنجح اجيبلك مدرس خصوصي مُـلـُـك..

مدرس سأل طالب گاله: أبوك شگد عمره گال ما أدري أستاد بس هوّه من زمان
عدنه.

واحد خابر صاحبه طلعله إبنه گاله: أبوك هنا؟ گال: نعم گال: عرفتني منو؟..
الأبن صاح.. بابا أكو واحد يريدك عالتلفون ميعرف هوه منو.

واحد سألوه عن عمره گال 30 وره عشر سنين سألوه گال 30 گالوا شلون ماكبرت؟
گال: الرجال عدنه كلمته وحده حتّه لو ألف سنه.

واحد يسوق تكسي ركبوا ثنين رايحين لملعب الشرطه گالوله:إذا ممكن نادي
الشرطه الله يخليك.. گال: ليش متحلّوهه بيناتكم اخوان.

واحد وگف يفوّل سيارته بالبانزين خانه..شاف بنات بسياره ثانيه..گال
للعامل:بالله فوللي بعشرتالاف دينار بانزين.

صاحبه وياه بالسياره واحد گاله مادام راح تفوّل بهلگد أكيد راح تطول اروح
للكشك اجيب عصير واجي شجيبلك وياي گال له: اللي يعجبك.. راح جاب عصير إله
وقلم جاف لصاحبه.

واحد عنده ضرس مأذيه حيل راح لطبيب الاسنان گال له أريدك تشلعلي كل سنوني
وتخليه هذا بوحده مثل الكلب.

واحد أشتغل مخرج تلفزيوني راح لأهله گاللهم سوولي راس بصل حلقات وانطوني
الحلقه الأخيره.

واحد سوه عملية رفع كليه فنجحت العمليه گال والله مدام هيچ لآكررها.

گالوا الواحد :شنو رأيك بالموز؟ گال والله طيب لوما نوايته چبيره.

واحد أشتره مرايه وتباوع لروحه بيهه گال ياسبحان الله هالوجه موغريب
عليه...صاحبه گال له أشو..أخذ المرايه وتباوع بيهه گال: لك هذا أني..

واحد أشتره مرايه وتباوع لروحه بيهه گال ياسبحان الله هالوجه موغريب
عليه...وين شايفه؟؟ وره شويه أخذله صفنه گال:أها.... يم الحلاق..

واحد أشتره سياره شبح كتب عليهه تره: ميخوّف موعبالكم.

واحد أشتره سياره حديثه گالوله شلونهه وياك؟ گال والله من الكوت لبغداد
سريعه لآن خمسه گير بس بالرجعه من بغداد للكوت مو هلگد سريعه لآن بس گير
واحد.

واحد وگـّف تكسي گال له: فارغ؟ گال: نعم گال :متنزل نسولف شويه نگضي وكت.

لبناني يحج بمكه ..عطس گال له السعودي يرحمكم الله فرد عليه اللبناني: حبيب
ألبي.

واحد كمّل دراسه بالخارج ورجع لأهله شاف عدهم زمال .. گال :الحمد لله كمّلت
دراسه من دونهم.

ثنين راجعين من بغداد ..يم البانزين خانه نزل السايق يشتري ببسي والثاني
راح يبول..السايق جاب الببسي ونسه صاحبه وراح للموصل ..أهل ذاك خابروه: لعد
فلان وين مارجع وياك؟.. گال أهوووو.. أگول إلمن الببسي الثاني؟

واحد گال له أبنه: بويه إجازة السوق مالتي سقطت.. قال له أبوه:طبعاً.. من
كثر دياحتك بالشوارع.

واحد سوه حفلة زواج.. وزع بطاقات بيهه الجمره الخبيثه.

واحد إشتغل مدير دار الأيتام..گاللهم راح أسوي أجتماع مجلس الآباء.

حرامي خبيث طب لبيت يبوگ مالگه شي..خابر رقم بأمريكا وخله السماعه مرفوعه
للصبح.

صرصر خباثه عزم جماعته عالعشه يمّه..أول ما إجوا..سحب السيفون عليهم.

واحد رادوا يعذبوه انطوه ورقه مكتوب عليهه من الوجهين (إقلب الصفحه)

برميل سأله لصاحبه:وين هالأيام؟ متنشاف؟ گال له: والله موفارغ.

واحد فتح باب السياره يريد ينزل شاف المطر قوي.. سدهه ونزل من الباب
الثانيه.

واحد گال لأبوه: بويه أريد (كيري).. گال له أبوه: والله ماتاخذ غير بت
عمك.. گال له: بويه كيري جبنه.. گال أبوه: وبت عمك گيمر يبويه.

واحد تزوج راح شهر العسل بوحده.

محجبه لابسه قصير.. گالولها: ليش؟ گالت: حتى أرضي الله وعباده.

ثنين إعجوزچيه..واحد اتثاوب ..الثاني گال له: ميدام فتحت حلگك متصيحنا على
ماي صارلي إسبوع عطشان.

واحد ويه صاحبته بالكازينو..أنگطع الكهرباء..گالتله: يلله إنتهز
الفرصه....گام شرد بلا ميدفع الحساب.

واحد ديسوق دعم اللي گدامه..نزل ذاك گال له: شنو.. چنك ماشايفني؟ گال:
والله شايفك.. بس ما أتذكر وين.

أحول إتزوج عله مرته...طلعت هيه نفسهه.

واحد گال له إبنه: بويه لازم أدرس بالخارج..گال:وأخوتك وين يخرّون؟

واحد راح يشتري حشيشه.. شاف الشرطه بالشارع.. ذب الفلوس وأنهزم.

واحد سال أبوه: بابا منين چنتوا تشربون ماي گبل؟.. گال أبوه: من العيون
إبني.. گال: بابا لعد ليش هسه من الحلوگ؟

واحد انسرقت سيارته..ركض وراهه ورجع گال:هم زين أخذت رقمهه .

واحد سوه دعوة سرقة سيارته..گالوله:شگد رقمهه؟ قال : والله
ثمنتالاف..ثمنتالاف وثمنميّه.. بهل حوالي.. المهم أقل من تسعميه.

واحد شاف واحد ويه مرته.. جر المسدس عليه..ذاك گال: لك هذي الكاميرا
الخفيه.. گال:خره بعراضكم.. ماكو غيري؟.. هاي خامس مره تنكتون بيّه.

واحد جاب شاهد زور يشهدله بالمحكمه گال: أريدك تشهد أني اطلب فلان مليون
دينار..گال له : ليش ليهسه ما سددهن؟

واحد حب يتحارش بوحده وياه بالجامعه.. طخهه فوگعن كتبهه.. گام لمّلهياه
كلهن.. گالت له: شكراً.. عذبناك.. گال: بالعكس.. لاعذاب ولا خره.

واحد حشاش دينظم ميزانية المصروفات گال:هاذي ألف للكهرباء.. هاذي للأكل..
هاذي للحشيشه.. اندگت الباب رأسأ.. وإذا الشرطه.. گام رأساً مزّگ فلوس
الحشيشه.

واحد صيدلي إجاه واحد گال له: عندك دوه للصراصير؟ گال له:خير شبيهن؟

شيخ جامع سكران..مرته حسّت بيه..گالتله:سكران؟ گال:لا..گالت زين أقرالي
سورة(البقره) گال:بسم الله......لافاش كيري..لافاش كيري.

شيخ جامع خله( أنسر مشين ) مال تلفون.. كل اللي يخابر يگول له: الشيخ غير
موجود.. أترك رساله بعد سماعك سورة البقره.

واحد خابر الشرطه گاللهم:أكو حادث بيه خمسين سياره مگلوبه.. إجوا لگوه
يخابر من يم السكراب مال كسره وعطش.

واحد محشش كمشوه الشرطه گالوله : تفضل بالسياره ويانه..گال:لا شكراً بيتي
قريب.

واحد زعلان ويه عائلته..دزلهم رساله فارغه.

واحد گال لمرته: اليوم تخرجت من الكليه.. گالتله: ليحسدوك عله ذكاءك.. دُگ
الخشب.. گام دگ عالقنفه.. گالت: منو؟.. گالهه:گعدي إنتي..... أني أفتح.

شيخ جامع دخل على جماعه يحششون.. گاللهم: حرام عليكم.. گالوله كلهم: وعليكم
الحرام ورحمة الله شيخنا.

واحد گالوله شنو أصعب موقف بحياتك؟.. گال من ازين لحيتي وأني أعلچ.

واحد عجزان.. أسبوعين واگع بحفره يصيح محد يطلعه.. أخير شي گال: أيست من
البشر أطلع بوحدي.

اللاخ هم عجزان .. گل لمرته: خططي ظهري مربعات ورقميهه من الواحد للميه
وحكيلي رقم 72

واحد ديمشي عالجسر ويگول: أيباه غير بالكونه ضخمه!!

واحد شاف وحده تستعمل الشسوار.. گال: وإحنه ليهسه نگصع الگمل بدينه.

مصري يگل لسعودي: إنته بتستعبطني ولآ إيه.. السعودي گله: أسطع بطنك وبطن
الخلـّفوك.

واحد راح لطبيب عيون گالّه: دكتور من أغمض بعد مأ أشوف...

واحد طلعله بيت بالجنه.. فلّشه وسواه دكاكين.

واحد سألوه: إشگد كلفتك الروحه للحج؟ گال: خمسطعش ورقه غير المشروب
والكاولية.

محشش يگل لصاحبه: تصور كيلو اللحم بنص دينار .. صاحبه گال: عجيب !!وين
هاي؟گله: دا أگللك تصور.

واحد الله وفقه بنه بيت ضخم الباب مالته من زجاج.. گام حطلهه عين سحريه.

واحد زوّج ابنه.. گاله: بابا.. تره هذي إنته وأخوتك بيهه.

واحد خابر مكتب خطوط .. گاللهم: بالله شگد تستغرق الرحله للهند؟گاله
الموظف: لحظه.. سد الخط وگال لصاحبه: لا موبعيده كلش.

واحد يگول: أحسن خمس أشياء بالدنيه تلاثه.. الچاي والگهوه.

واحد گال:إذا إجاني ولد أصوم خمس تيام.. صار عنده ولد.. صامهن.. وره فتره
مات الولد.. گال: إلا أخصمهن من رمضان.

واحد سأل صاحبه: اليوم سبت لو أحد؟ گال:الأثنين.. گال: سبحان الله.. چفته
وحده!!

واحد اتهموه بسرقة سياره..گال: ماكو هيچ شي .. فتشوني.

واحد اشتره لمرته علبة كريم مغذي بشره.. گعد الصبح لگاهه تريگ بيها الجهال.

بدوي تزوج.. سجل الخيمه بأسم مرته.

واحد ماشايف سياره خمسه گير.. أشتره وحده گال: شنو فائدته الخامس.. گالوله
من تريدهه تطير بدل خامس.. وره فتره ديمشي شاف حادث بنص الطريق.. گال:
أيه.. إجه وكتك يالخامس.

واحد يسأل نفسه: منو الأطول.. الزرافه لو النمر أسرع؟

واحد أهدت له صاحبته ببغاء.. وره فتره خابرته وسألته: شلونه الببغاء؟..
گللهه:عادي مثل طعم الدجاج.

واحد يعزي ناس.. شلون مات المرحوم؟ گالوله بحادث سياره.. گال شنو أثول؟؟
ميشوف؟

حشاش عطس ... صاحبه گح.. گلله ليش تغير الموضوع؟

واحد خباثه طب للجنه قفل الباب وراه.

قزم راح يفصل قاط گل للخياط: شوكت أجي عليه؟ گلله أخذلك فره بالسوگ وتعال.

واحد سافر بره دز لأهله صورته بلباس السباحه... دزوله ملابس.

بخيل بالسوگ أبنه گلله : بابا أحب النستله... گلله: بابا حبهه ورجعهه.

واحد معزوم بعيد ميلاد من خلصت الحفله گللهم: ياجماعه عود باجر عيد الميلاد
عليّه.

واحد زعل على مرته.. إجت ترضيه.. گالتله: أسويلك مساج؟.. گال: لا متعشي
بره.

واحد مرته جابت توم.. فرح حيل و گال للطبيبه: والله ما أطلعها من المستشفى
إلا تاخذين واحد بشاره.

بخيل گل: لإبنه إذا نجحت أراويك واحد يشرب ببسي.

واحد خطب بنيه.. گله ابوهه: مو البنيه هسه تدرس.. گال: زين أروح فد ساعه
وأرجع؟

واحد مات أبوه.. أجه صاحبه يعزيه گلله: ألله ينطيك الصبر.. گلله: لا، عادي.

واحد راح يعزي جماعه.... گلهم مع الاسف يعني ماكو أمل يرجع؟

واحد گللوله: شنو رأيك بالدوندرمه؟ گلهم: والله طيبه بس الگلاص شويه يسوي
عندي جالي.

خباثه عينوه مدير شرطه غير رقم النجده من 111 الى 940984356743653429860

بزون محشش گال: والله نسيت...هيّه ميو لو ليو.

واحد زوجوه أهله.. گعد الصبح گل لأمه: يمه خليها تنام عدنا بعد.

صرصر سأل صاحبه: شلونك هالأيام خو ماكو نعل؟.. گله: لا الحمد لله أبو البيت
أحول.

محششين ثنين قلدوا سيارة النجده.. واحد يصيح: ويو وييو وييو.. والثاني
يصيح: أحمر أزرگ...أحمر أزرگ...

سكران راح للمطعم.. گالهم: عدكم عشه؟.. گالوله: نعم.. گال: ليش ماعزمتوني؟

صرصر شاف دعاية بف باف(قاتل الحشرات) گال: أعوذ بالله..غير فلم مال رعب.

خبيث مشارك ببرنامج طلبات الاغاني گال: وأهديها الى صديقي بمناسبة وفاة
والدته.

............................................
نكات سريعة
واحد بلع موس جرح مشاعره
واحد اشترة فديو باع التلفزيو
واحد بلع سفنجة نشف ريكه
واحد من حلاة روحة دبك
واحد شرب كهوة غص بالكراسي
واحد راح لراس الشارع ملقاه
واحد طب زار طلع طاولي
واحد اجتة ضربة تايها دلاها
واحد طب سبح طلع كلايد
واحد انطفت جكارته دفعها
واحد مرته بيضة طكها بالدهن
واحد وكف كلبه شغله جطل
واحد مرته صينية قدم بيها جاي
واحد طلع ومن يرجع اكملك
واحد راح لباب الشرجي لكاه مسدود
واحد احتركت اعصابه انجوه
واحد راد يبني مستقبل ملكه طابوق
واحد عيونه خضر شرهم على الحبل
واحد سجينته عمية لبسها مناضر
واحد نصه التلفزيون عبر من فوكاه
واحد دشداشته عريضة شدلها طابع
واحد لبس عسكري شافه ضيق نزعه
واحد ضرب دالغه كتلها مكانها
واحد ضربه الهوا تعارك وياه
واحد كعد ويا نفسة مقبلت
واحد طبك حسه وخلاه بالكنتور
واحد انهزم النوم من عينه ركض وراه
واحد فاته الوكت اخذ تكسي وراح وراه
واحد شد حيله انقطع
واحد اكل شيش كباب زنجرت بطنه
واحد قدم عريضة طلعت رفيعة
واحد ضغط على نفسه انكسرت
واحد الفار لعب بعبه ذبله مصياده
واحد رسم دائرة وتعين بيها
واحد سوا خطة حصر نفسه
واحد راح للشعلة لكاها مطفية

هههههههههههههه
حلوه كثير يسلمووووووووو

اشكرك على الموضوع الرائع

ههههههههههه
مشكوووووور
جزاك الله الف خير
يسلموووووووو

» لازالت مايكروسوفت تبيع سبع نسخ من Windows 7 في الثانيه
» الموسوعه الاولي من النكت
» احلى النكت المضحكة
» كود جعل واجة المنتدى بصوره مستقله بدون رابط للنسخه الثانيه
» مكتبة النكت