للحمساوي وللفتحاوي .. الوطن هو الغالي

الله يرحم لما كنا عندنا قضية حارستها البندقية
وعايشة ع عهد قلوب جبارة قوية
سهرانة عليها عيون صادقة كحلها الوطنية
تهون علشانها نفوس عشرة ولا مليون مية

الله يرحم ...
ليش شو صارلنا ؟
نسينا الشيخ والختيار
وملينا نفوسنا حقد ودمار
وعقولنا وقفت تفكير وع افكارنا فرضنا حصار
نتشاطر ع بعضنا ونازلين فبعض قتل ليل نهار
وقال شو بنتدلل ع بعض وبنتعزز نحط شروط للحوار
حوار مع مين بدك ؟
اخوك امك ابوك وابن الجيران
احنا ولاد وطن واحد ..
جرح واحد وهدفنا واحد من زمان
معقول تربك شعب عمايل حفنة زعران

تلثموا..
تسلحوا..
وطخطخوا في ميدان
نرفع السلاح في وجه بعض ناسيين حلال وحرام

انا فلسطينيـــ/ ــة
لا حماس لا فتح لا جهاد لا جبهه
لا تقولو نزعات جاهلية
واذا كنا بسببها بين بعضنا فينا جرحى وقتلى
ننسى الشهدا والقادة والاسرى
وندوس امجادنا وننسى اللي النا عبرة
ونبيع قدسنا اقصانا المعرج والمسرى
نحقق لعدونا اهدافة وتصير ما احلاها مخططاته المرّة

اذا ما جمعتنا ايامنا العادية
خلينا نجتمع بنار الفرقة
اذا ما جمعتنا دموع امياتنا ولا صور شبابنا تموت ولا لهيب جمرة
ما انجمعنا بقطرات الندى على حبات زيتوننا الخضرة النضرة
ولا بسنابل قمحنا تتمايل شامخة حرّة
ولا حتى ذرات ترابنا الّلي ضمت دم الشهدا مفتخرة
مين او ايش اللي يجمعنا ..
يوحدنا استحلفك بالله

ياخوي احنا صرنا نحيد عن مبادئ وثوابت نتعدى خطوط حمرا
احنا ما عدنا نموت شهدا بفخر ...
صرنا ع الفاضي نروح قتلى

اذا لا انا ولا انت اصحاب القضية و المفخرة
اللي راح نوقف هالفضيحة المسخرة
مين اللي معني يوقفلها عدوّنا ؟ !
ولا واحد من برّة ؟!

اللي بعرفوا انو انت زيي
عهد في رقبتك ودين عليك نشوف فلسطين حرّة

مشكوووووووووووووووووور

الله عليك والله من الاخر ما بقول
غير تسلم ايدك

موضوع رائع

من شخص اروع

تحياتي لك

ممممشكور ابو سهيل

ولا شكر على واجب يا ÐR.3SHąK

واتي اروع يا ندى

مـشـــــــكــــــ تسلم ايدك ــــــور

» جمال الطبيعه في لاردن الغالي ( وادي الريان) جديتا
» من أين أدخل إلى الوطن ؟
» تعالي يانسور الوطن
» تذكر(قصيدة اهديها الى كل فلسطيني له اسير )في الوطن والشتات
» حوار بين الوطن والمواطن